எழுத்தாளர் சுஜாதாவுடன் எனது நட்பு!

======================================================
எழுத்தாளர் சுஜாதாவுடன் எனது நட்பு!

எனது அபிமான எழுத்தாளர் சுஜாதா அவர்கள் காலமாகிவிட்டார்
என்ற செய்து கேட்டு மிகவும் வருத்தமுற்றேன்.

அவருடைய ஆன்மா சாந்தியடைய எல்லாம் வல்ல இறைவனைப்
பிரார்த்திருக்கிறேன்

அவர் குமுதத்தில் எழுதிய காலத்திலிருந்து (1966ஆம் ஆண்டு முதல் தொடர்ந்து)
சுமார் 16 ஆண்டு காலம் வரை அவருடைய சிறுகதைகளையும், தொடர்களையும்
படித்திருக்கிறேன். பரவசமடைந்திருக்கிறேன்.

அசத்தலாக எழுதுவார். நடையில் யாருக்கும் கைவராத லாவகம் இருக்கும்.

குமுதம் பத்திரிக்கையின் மூலம் அவருடன் கடிதத் தொடர்பு கிடைத்தது.
அப்போது அவர் டில்லி டிஃபன்ஸ் காலனியில் குடியிருந்தார். கடிதங்களுக்கு
உடனுக்குடன் பதில் எழுதும் பண்பாளர் அவர்

1974ஆம் ஆண்டு அவர் கோவை வந்திருந்தபோது அவரைச் சந்தித்து ஒருமணி
நேரம் உரையாடி மகிழ்ந்திருக்கிறேன். அவரையும் மகிழ்வித்திருக்கிறேன்

சந்திப்பின் நினைவாக அவர் எனக்கு ஒரு புத்தகத்தைப் பரிசளித்தார்
அதை இன்று வரை அவர் நினைவாகப் பத்திரமாக வைத்திருக்கிறேன்

நைலான் கயிறு என்ற அவருடைய முதல் தொடர்கதை அவருக்கு ஏராளமான
வாசகர்களைப் பெற்றுத்தந்தது.

1984ற்குப் பிறகு நான் புதினங்களையும், சிறுகதைகளையும் படிப்பதை
நிறுத்திவிட்டு கவியரசர் கண்ணதாசன், நூல்களையும், வேறு பல கவிஞர்
களின் கவிதை நூல்களையும் கந்தர் அலங்காரம் போன்ற அன்மீக நூல்
களையும், மற்றும் ஏராளமான ஜோதிடம், சுய முன்னேற்றம் போன்ற
நூல்களையும் படிக்கத் துவங்கியவுடன் அவருக்கும் எனக்கும் உள்ள
கடிதத்தொடர்பு நின்று விட்டது. அவரும் முன்புபோல பத்திரிக்கைகளில்
அதிகமாக எழுதாமல் சினிமாவிற்குள் அடியெடுத்து வைத்துவிட்டார்.

மீண்டும் அவரைச் சந்திக்கும் வாய்ப்பை இறைவன் எனக்கு நல்கவில்லை!

தமிழ்கூறும் நல்லுலகம் உள்ளவரையில் அவர் எழுத்துக்கள் நிலைத்து நிற்கும்!